Elm və Təhsil Nazirliyi tərəfindən ümumtəhsil müəssisələrinin inzibati heyət üzvlərinin  müraciətlərinin operativ cavablandırılması və texniki məsələlərin həllinə dəstək göstərilməsi məqsədilə 146-4 dəstək xətti istifadəyə verilib.

Dəstək xətti vasitəsilə ümumtəhsil müəssisələrinin rəhbərləri müəssisələrinin texniki məsələləri və elektron jurnalın istifadəsi ilə bağlı qarşılaşdıqları məsələlər barədə müraciət edə biləcəklər.

       Müraciətlər aşağıdakı istiqamətləri əhatə edəcək:

       1.  Ümumtəhsil müəssisələrinin  internet bağlantısının təmin edilməsi;

       2. Elektron jurnaldan istifadə ilə bağlı yaranan sual və çətinliklər;

       3. Ümumtəhsil müəssisələrində qarşıya çıxan digər texniki məsələlər.

Yeni dəstək mexanizminin yaradılmasında məqsəd məktəblərin rəqəmsal xidmətlərdən istifadəsi zamanı qarşılaşdıqları çətinliklərin operativ həllinə dəstək göstərməkdir.